କଳିଙ୍ଗା ଘାଟିରେ ଟ୍ରକ୍‌ ଦୁର୍ଘଟଣାଗ୍ରସ୍ତ: ଚାଳକ ସମେତ ହେଲ୍ପର ମୃତ

ଭଞ୍ଜନଗର,୧୮।୫(ଡି.ଏନ୍‌.ଏ): ଗଞ୍ଜାମ-କନ୍ଧମାଳ ଜିଲା ସୀମାରେ ଥିବା କଳିଙ୍ଗା ଘାଟିରେ ଶନିବାର ସକାଳେ ପାଣି ବୋତଲ ବୋଝେଇ ଏକ ଟ୍ରକ ଦୁର୍ଘଟଣାଗ୍ରସ୍ତ ହୋଇଛି । ଏଥିରେ ଗାଡ଼ି ଚାଳକ ଓ ହେଲ୍ପରଙ୍କ ମୃତ୍ୟୁ ଘଟିଛି। ମୃତକଙ୍କ ପରିଚୟ ଏଯାବତ୍‌ ମିଳିପାରି ନାହିଁ। ଖବର ପାଇ ଭଞ୍ଜନଗର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ଭଞ୍ଜନଗର ମେଡିକାଲକୁ ପଠାଇଛି।
ପ୍ରକାଶ ଯେ, ଟ୍ରକ୍‌ଟି ସକାଳେ ଫୁଲବାଣୀ ନିକଟରୁ ପାଣି ବୋତଲ ବୋଝେଇ କରି ବ୍ରହ୍ମପୁର ଅଭିମୁଖେ ଯାଉଥିଲା । କଳିଙ୍ଗା ଘାଟିରେ ଚାଳକଙ୍କ ଆଖି ଲାଗିଯିବାରୁ ଡ଼ାହାଣ ପାର୍ଶ୍ୱରେ ଥିବା ଏକ ବଡ଼ ପଥରକୁ ଟ୍ରକ୍‌ଟି ଧକ୍କା ଦେଇଥିଲା । ପରେ ଗୁରୁତର ଅବସ୍ଥାରେ ହେଲପରଙ୍କୁ ଦମକଳ ବାହିନୀ ସହାୟତାରେ ଗାଡ଼ି ଭିତରୁ ଉଦ୍ଧାର କରାଯାଇଥିଲା । ମାତ୍ର ଅତ୍ୟଧିକ ରକ୍ତସ୍ରାବ ଯୋଗୁ ହେଲ୍ପ୍‌ରଙ୍କୁ ଭଞ୍ଜନଗର ମେଡିିକାଲ ନେବା ବାଟରେ ତାଙ୍କର ମୃତ୍ୟୁ ଘଟିଥିଲା। ଦୀର୍ଘ ୩ ଘଣ୍ଟାର ପ୍ରଚେଷ୍ଟା ପରେ ପୋଲିସ ଗାଡ଼ି ଭିତରେ ଚାପି ହୋଇ ରହିଥିବା ଚାଳକଙ୍କ ମୃତଦେହ ଉଦ୍ଧାର କରିଛି।

The post କଳିଙ୍ଗା ଘାଟିରେ ଟ୍ରକ୍‌ ଦୁର୍ଘଟଣାଗ୍ରସ୍ତ: ଚାଳକ ସମେତ ହେଲ୍ପର ମୃତ appeared first on dharitri.

from dharitri http://bit.ly/30uJXyz